Bellamkonda | మరో సినిమా ప్రకటించిన బెల్లంకొండ

తన 10వ సినిమాతో బిజీగా ఉన్న హీరో బెల్లంకొండ సాయి శ్రీనివాస్ శ్రీరామ నవమి సందర్భంగా ఈరోజు మరో సినిమా ప్రకటించాడు. మంచి భావోద్వేగాలతో కూడిన కమర్షియల్ చిత్రాలను రూపొందించడంలో పేరుగాంచిన డైనమిక్ నిర్మాత సాహు గారపాటి ఈ సినిమాకు నిర్మాత. కౌశిక్ పెగళ్లపాటి దర్శకత్వం లో ఈ ప్రాజెక్ట్ రానుంది.

ఈ సందర్భంగా విడుదల చేసిన పోస్టర్ బాగుంది. శ్రీరాముడు తన చేతిలో విల్లుతో బాణాన్ని ఆకాశం లో ఉన్న రాక్షసుడికి ఎక్కుపెట్టడం ఈ శ్రీరామనవమి సందర్భానికి సరిగ్గా సరిపోయింది. తోలుబొమ్మలాట, నిర్జనమైన అడవి, యాంటెన్నా టవర్ లాంటివి పోస్టర్ లో చూపించారు.

భగవంత్ కేసరి సంచలన విజయం తర్వాత, షైన్ స్క్రీన్స్ బ్యానర్ పై రాబోతున్న సినిమా ఇది. డిఫరెంట్ కాన్సెప్ట్ తో ఈ సినిమా వస్తోంది. కాంతారా ఫేమ్ బి. అజనీష్ లోక్ నాథ్ ఈ సినిమాకు సంగీతం అందిస్తున్నాడు.