Adah Sharma | అదా శర్మ ప్రత్యేక పాత్రలో సినిమా

అదా శర్మ ప్రస్తుతం నేషనల్ వైడ్‌గా క్రేజీ బ్యూటీగా మారిపోయింది. ది కేరళ ఫైల్స్, బస్తర్ వంటి సినిమాలతో ఆమె రేంజ్ పెరిగింది. చాలా కాలం తర్వాత అదా శర్మ తెలుగు వారిని పలకరించేందుకు వస్తోంది. అదా శర్మ తెలుగులో నటించి చాలా కాలమే అవుతోంది. అందువల్ల సీడీ అనే సినిమాపై మంచి అంచనాలు పెరిగాయి. సీడీ అంటే క్రిమినల్ ఆర్ డెవిల్. కృష్ణ అన్నం ఈ సినిమాకు దర్శకుడు.

ప్రస్తుతం హారర్, యాక్షన్, సస్పెన్స్, థ్రిల్లర్ జానర్లకు ఎక్కవుగా డిమాండ్ ఉంది. కంటెంట్, కాన్సెప్ట్ బేస్డ్ సినిమాలు ఎక్కువగా సక్సెస్ అవుతున్నాయి. సీడీ కూడా ఓ డిఫరెంట్ కాన్సెప్ట్‌తో రాబోతోంది. ఇప్పటికే విడుదల చేసిన పోస్టర్స్, టీజర్, ట్రైలర్ ఇలా అన్నీ సినిమా మీద కాస్త అంచనాలు పెంచాయి.

ఇక ఇప్పుడు ఈ చిత్రానికి సంబంధించిన సెన్సార్ కార్యక్రమాలు పూర్తయ్యాయి. సెన్సార్ సభ్యులు ఈ చిత్రానికి యూ/ఏ సర్టిఫికేట్‌ ఇచ్చారు. మే 24న ఈ చిత్రం భారీ ఎత్తున విడుదల కాబోతోంది.

ఈ మూవీలో అదా శర్మ కీలక పాత్ర పోషిస్తుండగా.. విశ్వంత్, జబర్దస్త్ రోహిణి, భరణి శంకర్, రమణ భార్గవ్, మహేష్ విట్టా ఇతర ముఖ్య పాత్రల్లో కనిపించనున్నారు. ఈ చిత్రానికి ఏ.ముద్దు కృష్ణ డైలాగ్స్ అందించగా.. సతీష్ ముత్యాల సినిమాటోగ్రాఫర్‌గా పని చేశారు. ధృవన్ సంగీతం అందించాడు.