అడుగేద్దాం.. అడిగేద్దాం

నిదురించే రేయిని అడుగు

స్వపాలను అప్పే ఇమ్మని

వికసించే కిరణాన్నడుగు

వెనుదిరగని శక్తే ఇమ్మని

కష్టించే మనిషిని అడుగు

సౌందర్యం మర్మం ఏదని

కదిలించే దృశ్యాన్నడుగు

విరితోటల వేణువు ఏదని

నిలదీసే నిజాన్ని అడుగు

దారెందుకు మరిచావంటూ

గతితప్పిన మనిషిని అడుగు

గల్లంతై పోయావెందుకని

బతిమాలే బతుకును అడుగు

నడకెందుకు మార్చావంటూ

బలవంతునిదో మాటల గారడి

బలహీనుడి బతుకే కార్చిచ్చు.

రేపేమో ఆశల దీపం

నేడేమో నీరస శస్త్రం

దిగులంతా దేవుడి కొదిలి

మనసే ఇక శుభ్రం చేసేయ్

-సి. యస్. రాంబాబు