కాంబోడియాలో బెల్లంకొండ, కాజల్

ప్రస్తుతం తేజ దర్శకత్వంలో ఓ సినిమా చేస్తున్నాడు బెల్లంకొండ సాయిశ్రీనివాస్. కాజల్ హీరోయిన్ గా నటిస్తోంది. ఈ సినిమా షూటింగ్ ప్రస్తుతం కాంబోడియాలోని అంగ్-కోర్-వాట్ లో జరుగుతోంది. కాంబోడియాలోనే కాదు, ప్రపంచంలోనే అత్యంత పురాతనమైన దేవాలయాల్లో ఇది ఒకటి. ఇక్కడ సినిమాకు సంబంధించిన సాంగ్ ను పిక్చరైజ్ చేస్తున్నారు.

అయితే ఈ పాట షూటింగ్ పక్కనపెడితే…. కాంబోడియాలో బెల్లంకొండ, కాజల్ ఆఫ్ స్క్రీన్ కెమిస్ట్రీ మాత్రం అందర్నీ ఎట్రాక్ట్ చేసింది. సుప్రసిద్ధం అంగ్-కోర్-వాట్ దేవాలయంలో ఓ ఫొటో తీసుకున్నారు బెల్లంకొండ, కాజల్. ఈ స్టిల్ లో బెల్లంకొండ నవ్వుతూ నిల్చుంటే, అతడి భుజాలపై కాజల్ కూర్చొంది. ప్రస్తుతం ఈ స్టిల్ సోషల్ మీడియాలో వైరల్ అవుతోంది. బెల్లంకొండ, కాజల్ మధ్య ఉన్న అనుబంధాన్ని చాటిచెబుతోంది ఈ స్టిల్.

తన సినిమాల్లో ఎప్పుడూ స్టార్ హీరోయిన్లకే ప్రాధాన్యం ఇస్తాడు బెల్లంకొండ. వాళ్లతో మంచిగా ఫ్రెండ్ షిప్ చేసుకుంటాడు. సమంత, తమన్న, పూజా హెగ్డే…. ఇలా చాలామంది హీరోయిన్లు బెల్లంకొండకు బెస్ట్ ఫ్రెండ్స్ గా మారిపోయారు. ఇప్పుడీ ఫొటో చూస్తుంటే…. బెల్లంకొండ-కాజల్ కూడా మంచి స్నేహితులుగా మారిపోయినట్టు అనిపిస్తోంది.