తెలుగు తమ్ముళ్లూ... చంద్రబాబు బొమ్మతో పిండప్రదానమా?
పుష్కరాల ద్వారా చంద్రబాబును, టీడీపీని ప్రమోట్ చేసుకునేందుకు తెలుగుతమ్ముళ్లు ఏ చిన్నఅవకాశాన్నికూడా వదిలిపెట్టడం లేదు. అయితే ఈ ప్రయత్నాలు వికటించి నవ్వులపాలవుతున్నారు. తాజాగా ఇలాంటి వ్యవహారమే ఇబ్రహీంపట్నం వద్ద వెలుగుచూసింది. పుష్కరాలను చంద్రబాబే కనిపెట్టారన్న అభిప్రాయం అమాయక జనానికి కలిగించాలనుకున్నారో ఏమో గానీ తెలుగు తమ్ముళ్లు … ఏకంగా అక్కడే చంద్రబాబు సైకత శిల్పం ఏర్పాటు చేశారు. బొమ్మ పూర్తయ్యాక అది ఏ రూపులో ఉందన్నది మరో అంశం. సాధారణంగా పిండప్రదానం చేసేటప్పుడు స్వర్గస్తులైన పెద్దల ఫొటోలు […]
పుష్కరాల ద్వారా చంద్రబాబును, టీడీపీని ప్రమోట్ చేసుకునేందుకు తెలుగుతమ్ముళ్లు ఏ చిన్నఅవకాశాన్నికూడా వదిలిపెట్టడం లేదు. అయితే ఈ ప్రయత్నాలు వికటించి నవ్వులపాలవుతున్నారు. తాజాగా ఇలాంటి వ్యవహారమే ఇబ్రహీంపట్నం వద్ద వెలుగుచూసింది. పుష్కరాలను చంద్రబాబే కనిపెట్టారన్న అభిప్రాయం అమాయక జనానికి కలిగించాలనుకున్నారో ఏమో గానీ తెలుగు తమ్ముళ్లు … ఏకంగా అక్కడే చంద్రబాబు సైకత శిల్పం ఏర్పాటు చేశారు. బొమ్మ పూర్తయ్యాక అది ఏ రూపులో ఉందన్నది మరో అంశం. సాధారణంగా పిండప్రదానం చేసేటప్పుడు స్వర్గస్తులైన పెద్దల ఫొటోలు ఎదురుగా పెట్టుకుని కార్యక్రమం చేస్తారు.
అయితే ఇక్కడ కొందరు అత్యుత్సాహవంతులు చంద్రబాబు సైకత శిల్పాన్ని ముందుపెట్టుకుని పిండప్రదానం చేస్తున్నారు. అక్కడ విధులు నిర్వర్తిస్తున్న అధికారులు, సిబ్బంది కూడా ఆ విషయాన్ని సీరియస్‌గా పట్టించుకోలేదు. దీంతో వందలాది మంది చంద్రబాబు సైకత శిల్పాన్ని ఎదురుగా పెట్టుకుని పిండప్రదానం చేసి వెళ్లారు. అయితే పిండప్రదాన తీరుతెన్నులు తెలిసిన వారు మాత్రం ఇదేంటి చంద్రబాబు బొమ్మ ముందుపెట్టుకుని పిండప్రదానమా అని ఆశ్చర్యపోతున్నారు. దీన్ని అడ్డుకోకపోవడంపై డ్యూటీలో ఉన్న అధికారులపైనా పలువురు ఆగ్రహం వ్యక్తం చేస్తున్నారు.
Click on Image to Read: