ఎదురుదాడి నేరం కాదు...హక్కు!
హర్యానా డిజిపి కెపి సింగ్, సగటు మనిషికి తనని తాను రక్షించుకునే క్రమంలో ఉన్న హక్కులను గురించి వివరించారు. ఆ విషయాలు ఇవీ– –ఒక దుండగుడు సగటు వ్యక్తి ఎదురుగా ఒక మహిళపై అత్యాచార ప్రయత్నం చేసినా, ఇల్లు తగలబెట్టే ప్రయత్నం చేసినా, ఒక వ్యక్తిని చంపాలనుకున్నా, మహిళలను అగౌరవపరచాలని చూసినా…ఇంటినో, షాపునో దోచే ప్రయత్నం చేసినా….ఇలాంటి సందర్భాల్లో ఆ సగటు వ్యక్తికి ఆ నేరాన్ని పూర్తి స్థాయిలో అడ్డుకునే అధికారం ఉంటుంది. ఇలాంటి దాడిలో ఆ […]
హర్యానా డిజిపి కెపి సింగ్, సగటు మనిషికి తనని తాను రక్షించుకునే క్రమంలో ఉన్న హక్కులను గురించి వివరించారు. ఆ విషయాలు ఇవీ–
–ఒక దుండగుడు సగటు వ్యక్తి ఎదురుగా ఒక మహిళపై అత్యాచార ప్రయత్నం చేసినా, ఇల్లు తగలబెట్టే ప్రయత్నం చేసినా, ఒక వ్యక్తిని చంపాలనుకున్నా, మహిళలను అగౌరవపరచాలని చూసినా…ఇంటినో, షాపునో దోచే ప్రయత్నం చేసినా….ఇలాంటి సందర్భాల్లో ఆ సగటు వ్యక్తికి ఆ నేరాన్ని పూర్తి స్థాయిలో అడ్డుకునే అధికారం ఉంటుంది. ఇలాంటి దాడిలో ఆ దుండగుడిని చంపినా చట్ట ప్రకారం నేరం కాదు.
– ఆత్మరక్షణ విషయంలో మనకున్న హక్కులను గురించి మనకు సరైన అవగాహన లేదు. తమ మీద దాడి చేస్తున్నవారి మీద కూడా కొంతమంది చట్టానికి భయపడి తిరగబడరు. ఆ వ్యక్తి చనిపోయినా, అతనికి ఏదైనా హాని జరిగినా మనం జైలులో ఉండాల్సివస్తుందేమో అనే భయం మనందరిలోనూ ఉంటుంది. కానీ అలాంటి సందర్భాల్లో ఆత్మరక్షణకోసం చేసే హత్య సైతం నేరం కాదని చట్టాల్లో ఉంది.
–ఇండియన్ పీనల్ కోడ్ ప్రవేటు డిఫెన్స్ సెక్షన్లు 96, 97 ప్రకారం రేప్ కానీ, దొంగతనం కానీ జరగబోతున్నపుడు ఆపడానికి ఎలాంటి చర్య తీసుకున్నా అది నేరం కాదు. మన శరీరం, లేదా ఆస్తి రక్షణకోసం, లేదా ఇతరుల ప్రాణ రక్షణకోసం ఎలాంటి చర్యలనైనా తీసుకోవచ్చు. స్థిరచర ఆస్తులు…మనవి అయినా, ఇతరులవి అయినా దొంగతనానికి, మోసానికి, దోపిడీకి గురవుతుంటే ఆపాలి. ఇందుకు ఎలాంటి చర్యలు తీసుకున్నా నేరం కాదు.
–ఇండియన్ పీనల్ కోడ్ సెక్షన్ 100 ప్రకారం కిడ్నాప్ సందర్భంలో నేరస్తులమీద తిరగబడి అతనికి హాని చేసినా చట్టప్రకారం నేరం కాదు. కిడ్నాప్, అక్రమంగా బంధించడం లాంటివి జరిగినపుడు, బాధితుడికి తనకు హాని జరుగుతుందన్న అనుమానం ఉన్నపుడు నేరగాళ్లపై ఎదురుదాడి చేయవచ్చు. క్రిమినల్ చట్టాల్లో స్వీయ సహాయం అనేది చాలా ముఖ్యమైన అంశం.