పశ్చిమలో సంపూ హల్ చల్

ఎక్కడికెళ్లినా తెగ వరాలు ప్రకటిస్తున్నాడు సంపూర్ణేష్ బాబు. హృదయకాలేయంతో ఇండస్ట్రీలో సెట్ అయిపోయిన ఈ హీరో…. దాతృత్వంలో కూడా తనకుతానే సాటి అనిపించుకున్నాడు. చాలా సందర్భాల్లో విరాళాలు ప్రకటించిన హృదయకాలేయం చాలా పెద్దదని నిరూపించుకున్నాడు. తాజాగా అలాంటిదే మరో పని చేశాడు మన సంపూ. ప్రస్తుతం కొబ్బరి మట్ట అనే సినిమా చేస్తున్నాడు ఈ కామెడీ స్టార్. పశ్చిమగోదావరి జిల్లా పాలకొల్లు సమీపంలోని అరటికట్ల గ్రామంలో షూటింగ్ జరుగుతోంది. షూటింగ్ గ్యాప్ లో దగ్గర్లోని పాఠశాలను సందర్శించాడు సంపూర్ణేష్ బాబు. విద్యార్థుల్లో స్ఫూర్తి రగిల్చేలా పెద్ద ఉపన్యాసం ఇచ్చాడు. నలుగురు మనల్ని గుర్తుపట్టేలా, గర్వించేలా పేరుతెచ్చుకోవాలని అన్నాడు. ఈ సందర్భంగా అరటికట్ల పాఠశాల విద్యార్థులకు ఆఫర్ ఇచ్చాడు. ఎవరైతే టాప్ ర్యాంక్ వాళ్లకు మనీ ప్రైజ్ ఇస్తానని ప్రకటించాడు. ఫస్ట్ ర్యాంక్ వచ్చిన అబ్బాయికి పది వేలు…. అదే అమ్మాయికి ఫస్ట్ ర్యాంక్ వస్తే 15వేలు ఇస్తానని సంపూ ఎనౌన్స్ చేశాడు.