రాజ్యసభకు దక్షిణాది ప్రముఖులు.. సినీరంగానికి పెద్దపీట..
సినీరంగానికి చెందిన ప్రముఖులకు పెద్దపీట వేస్తూ రాష్ట్రపతి కోటాలో దక్షిణాది ప్రముఖులను రాజ్యసభకు నామినేట్ చేశారు. ఈమేరకు కేంద్ర ప్రభుత్వం కీలక నిర్ణయం తీసుకుంది. రాష్ట్రపతి కోటాలో నలుగురు దక్షిణాది ప్రముఖులను కేంద్రం రాజ్యసభకు నామినేట్ చేసింది. ప్రముఖ సినీ దర్శకుడు రాజమౌళి తండ్రి, సినీ కథా రచయిత వి.విజయేంద్ర ప్రసాద్, సంగీత దిగ్గజం ఇళయరాజా ఇందులో ఉన్నారు. క్రీడారంగం నుంచి పరుగుల రాణి పీటీ ఉష, సామాజిక సేవా రంగం నుంచి వీరేంద్ర హెగ్డేను రాజ్యసభకు […]
సినీరంగానికి చెందిన ప్రముఖులకు పెద్దపీట వేస్తూ రాష్ట్రపతి కోటాలో దక్షిణాది ప్రముఖులను రాజ్యసభకు నామినేట్ చేశారు. ఈమేరకు కేంద్ర ప్రభుత్వం కీలక నిర్ణయం తీసుకుంది. రాష్ట్రపతి కోటాలో నలుగురు దక్షిణాది ప్రముఖులను కేంద్రం రాజ్యసభకు నామినేట్ చేసింది. ప్రముఖ సినీ దర్శకుడు రాజమౌళి తండ్రి, సినీ కథా రచయిత వి.విజయేంద్ర ప్రసాద్, సంగీత దిగ్గజం ఇళయరాజా ఇందులో ఉన్నారు. క్రీడారంగం నుంచి పరుగుల రాణి పీటీ ఉష, సామాజిక సేవా రంగం నుంచి వీరేంద్ర హెగ్డేను రాజ్యసభకు నామినేట్ చేశారు. ఈ సందర్భంగా వారు అందించిన సేవల్ని గుర్తు చేసుకుంటూ ప్రధాని నరేంద్ర మోదీ స్వయంగా ట్వీట్ చేశారు.
శ్రీ వి.విజయేంద్ర ప్రసాద్ గారు దశాబ్దాలుగా సృజనాత్మక రంగంతో ప్రత్యేక అనుబంధం కలిగి ఉన్నారు. అతని రచనలు భారతదేశం యొక్క అద్భుతమైన సంస్కృతిని ప్రతిబింబిస్తూ ప్రపంచవ్యాప్తం గా ఒక ప్రత్యేక గుర్తంపును తీసుకువచ్చాయి. అతను రాజ్యసభకు నామినేట్ అయినందుకు నా అభినందనలు.
— Narendra Modi (@narendramodi) July 6, 2022
ఇళయరాజా సంగీతం అనేక భావాలకు ప్రతిబింబమని.. అనేక తరాలకు ఆయన సంగీతం ఓ వారధిలా నిలిచిందని మోదీ తన ట్వీట్ లో ప్రస్తుతించారు.
தலைமுறைகளைக் கடந்து @ilaiyaraaja அவர்களின் அற்புத படைப்பாற்றல் மக்களை மகிழ்வித்து வருகிறது. அவரது இசைப் படைப்புகள் பல்வேறு உணர்வுகளை அழகாக வெளிப்படுத்துவன. pic.twitter.com/qgV1ZlK9lP
— Narendra Modi (@narendramodi) July 6, 2022
పరుగుల రాణి పీటీ ఉష జీవితం.. భారతీయులందరికీ ఆదర్శనీయమన్నారు మోదీ. తాను వ్యక్తిగతంగా ప్రతిభ చూపడమే కాకుండా.. ఎంతోమంది క్రీడాకారుల్ని ఆమె తీర్చిదిద్దారని చెప్పారు.
സവിശേഷയായ പി ടി ഉഷ ജി ഓരോ ഇന്ത്യക്കാരനും പ്രചോദനമാണ്. സ്പോർട്സിലെ അവരുടെ നേട്ടങ്ങൾ പരക്കെ അറിയപ്പെടുന്നു. വളർന്നുവരുന്ന അത്ലറ്റുകൾക്ക് കഴിഞ്ഞ കുറേ വർഷങ്ങളായി മാർഗദർശനം നൽകുന്ന അവരുടെ പ്രവർത്തനവും ഒരുപോലെ പ്രശംസനീയമാണ്. pic.twitter.com/b89B7laVAy
— Narendra Modi (@narendramodi) July 6, 2022
విజయేంద్ర ప్రసాద్ దశాబ్దాల పాటు సృజనాత్మక సేవలు అందించారని.. ఆయన సేవలు మన సంస్కృతిని విశ్వవ్యాప్తం చేశాయన్నారు మోదీ. వీరేంద్ర హెగ్డే సేవారంగంలో ఎనలేని కృషి చేశారన్నారు.
ಸಮುದಾಯಕ್ಕೆ ಮಹೋನ್ನತ ಸೇವೆ ಸಲ್ಲಿಸುವ ನಿಟ್ಟಿನಲ್ಲಿ ಶ್ರೀ ವೀರೇಂದ್ರ ಹೆಗ್ಗಡೆಯವರು ಮುಂಚೂಣಿಯಲ್ಲಿದ್ದಾರೆ. ಧರ್ಮಸ್ಥಳದ ದೇವಾಲಯದಲ್ಲಿ ಪ್ರಾರ್ಥನೆ ಸಲ್ಲಿಸುವ ಅವಕಾಶ ಹಾಗು ಅವರು ಆರೋಗ್ಯ,ಶಿಕ್ಷಣ ಮತ್ತು ಸಾಂಸ್ಕೃತಿಕ ಕ್ಷೇತ್ರದಲ್ಲಿ ಕೈಗೊಂಡಿರುವ ಮಹತ್ತರ ಕಾರ್ಯಗಳಿಗೆ ಸಾಕ್ಷಿಯಾಗುವ ಅವಕಾಶ ನನಗೆ ಒದಗಿತ್ತು. pic.twitter.com/KwoNdZyW6Z
— Narendra Modi (@narendramodi) July 6, 2022
ఆమధ్య మోదీని అంబేద్కర్ తో పోలుస్తూ ఇళయరాజా ఓ పుస్తకానికి రాసిన ముందుమాట సంచలనంగా మారింది. అంబేద్కర్ అండ్ మోదీ అనే ఆ పుస్తకానికి ముందు మాట రాసిన ఇళయరాజా.. మోదీని చూస్తే అంబేద్కర్ నిజంగా గర్వపడేవారని అన్నారు. అప్పట్లోనే ఇళయరాజాకు రాజ్యసభ కన్ఫామ్ అనే ప్రచారం జరిగింది. నేడది నిజమని నిరూపితమైంది. ఇక తెలుగు సినీ రంగం నుంచి రాజమౌళి తండ్రి విజయేంద్రప్రసాద్ కి రాజ్యసభ అవకాశం ఇవ్వడం కూడా ఆసక్తికర పరిణామమే.
