సమంత బాలీవుడ్ మూవీ లాక్ అయిందా?
సౌత్ పాపులర్ హీరోయిన్లలో సమంత ఒకరు. మనోజ్ బాజ్ బాయ్ తో కలిసి ఆమె చేసిన ఫ్యామిలీ మేన్ సీజన్-2 దేశవ్యాప్తంగా పెద్ద హిట్టవ్వడంతో, బాలీవుడ్ లో కూడా ఆమెకు క్రేజ్ వచ్చింది. ఈ క్రేజ్ ను క్యాష్ చేసుకుంటూ, తాప్సి ప్రొడక్షన్ లో సమంత ఓ హిందీ సినిమా చేయబోతోందంటూ వార్తలొచ్చాయి. అయితే సమంత ఇప్పటికే ఆయుష్మాన్ ఖురానా సరసన నటించేందుకు ఓ బాలీవుడ్ సినిమాకు సైన్ చేసినట్టు తెలుస్తోంది. బాలీవుడ్ మీడియా ప్రకారం, సౌత్ […]
సౌత్ పాపులర్ హీరోయిన్లలో సమంత ఒకరు. మనోజ్ బాజ్ బాయ్ తో కలిసి ఆమె చేసిన ఫ్యామిలీ మేన్ సీజన్-2 దేశవ్యాప్తంగా పెద్ద హిట్టవ్వడంతో, బాలీవుడ్ లో కూడా ఆమెకు క్రేజ్ వచ్చింది. ఈ క్రేజ్ ను క్యాష్ చేసుకుంటూ, తాప్సి ప్రొడక్షన్ లో సమంత ఓ హిందీ సినిమా చేయబోతోందంటూ వార్తలొచ్చాయి. అయితే సమంత ఇప్పటికే ఆయుష్మాన్ ఖురానా సరసన నటించేందుకు ఓ బాలీవుడ్ సినిమాకు సైన్ చేసినట్టు తెలుస్తోంది.
బాలీవుడ్ మీడియా ప్రకారం, సౌత్ కు చెందిన మద్దాక్ ఫిలిమ్స్ బ్యానర్ పై దినేష్ విజయ్ నిర్మాణంలో ఈ సినిమా సెట్స్ పైకి వస్తుందట. ఈ ప్రాజెక్టుతోనే సమంత, బాలీవుడ్ లో అడుగుపెడుతుందని తెలుస్తోంది. ఆమెకు ఇది పెర్ ఫెక్ట్ లాంఛ్ ప్యాడ్ అవుతుందని బాలీవుడ్ వార్తలిస్తోంది.
2023 చివరలో విడుదల చేయడానికి నిర్మాతలు ప్లాన్ చేస్తున్న ఈ సినిమాలో ఆయుష్మాన్ ఖురానా పాత్రకు ఎంత ప్రాధాన్యత ఉంటుందో, సమంత రోల్ కు కూడా అంతే ఇంపార్టెన్స్ ఉంటుందట. ఈ ప్రాజెక్టుకు సంబంధించి మరిన్ని వివరాలు త్వరలోనే బయటకు రాబోతున్నాయి.
పౌరాణిక చిత్రం శాకుంతలంలో నటించింది సమంత. ఆ తర్వాత సైన్స్ ఫిక్షన్ థ్రిల్లర్ యశోద సినిమా చేసింది. ప్రస్తుతం విజయ్ దేవరకొండ సరసన ఖుషీ అనే రొమాంటిక్ మూవీ చేస్తోంది. ఇప్పుడు బాలీవుడ్ లో మరో డిఫరెంట్ మూవీ చేయబోతోంది. ఇలా కెరీర్ లో విలక్షణ పాత్రలతో దూసుకుపోతోంది సమంత.
