సగంలో ఆగిన సినిమా ఎట్టకేలకు సెట్స్ పైకి..!
ప్రతి వారం ఎన్నో సినిమాలు ప్రారంభమౌతుంటాయి. అందులో కొన్ని మధ్యలోనే ఆగిపోతాయి. అలా ఆగిపోయిన సినిమాల పనంతే. మళ్లీ తెరపైకి రావు. కానీ ఇక్కడో సినిమా రికార్డ్ బ్రేక్ చేసింది. 5 ఏళ్ల కిందట ఆగిన సినిమా మళ్లీ సెట్స్ పైకి వచ్చింది. షూటింగ్ కూడా జరుపుకుంటోంది. నాగశౌర్య కెరీర్ లో జరిగింది ఈ వింత. అతడు సగం నటించి ఆపేసిన ‘ఫలానా అబ్బాయి – ఫలానా అమ్మాయి’ సినిమా తిరిగి మొదలైంది. నాగశౌర్య, మాళవిక నాయర్ […]
ప్రతి వారం ఎన్నో సినిమాలు ప్రారంభమౌతుంటాయి. అందులో కొన్ని మధ్యలోనే ఆగిపోతాయి. అలా ఆగిపోయిన సినిమాల పనంతే. మళ్లీ తెరపైకి రావు. కానీ ఇక్కడో సినిమా రికార్డ్ బ్రేక్ చేసింది. 5 ఏళ్ల కిందట ఆగిన సినిమా మళ్లీ సెట్స్ పైకి వచ్చింది. షూటింగ్ కూడా జరుపుకుంటోంది. నాగశౌర్య కెరీర్ లో జరిగింది ఈ వింత. అతడు సగం నటించి ఆపేసిన ‘ఫలానా అబ్బాయి – ఫలానా అమ్మాయి’ సినిమా తిరిగి మొదలైంది.
నాగశౌర్య, మాళవిక నాయర్ జంటగా రూపొందిన ‘కళ్యాణ వైభోగమే’ చిత్రం మంచి హిట్టయింది. అలాగే ‘నాగశౌర్య, దర్శకుడు అవసరాల శ్రీనివాస్ ల కాంబినేషన్ లో రూపొందిన ‘ఊహలు గుసగుసలాడే సినిమా హిట్టయింది. ఇప్పుడు వీరి కాంబినేషన్లో అంటే.. హీరోగా నాగశౌర్య, ఆయనకు జోడీగా మాళవిక నాయర్, దర్శకునిగా అవసరాల శ్రీనివాస్ కలిసి ఈ సినిమా చేస్తున్నారు.
గతంలో పీపుల్ మీడియా ఫ్యాక్టరీనే ఈ సినిమా లాంఛ్ చేసింది. కానీ ఇప్పుడు ఈ సంస్థకు తోడుగా దాసరి ప్రొడక్షన్స్ అనే బ్యానర్ కూడా చేరింది. ఈ రెండు సంస్థలు కలిసి సినిమాను పూర్తిచేసి, రిలీజ్ చేయాలని నిర్ణయించాయి. ఈ మేరకు లండన్ లో కొత్త షెడ్యూల్ మొదలుపెట్టారు.
ఐదేళ్ల కిందట ఆగిన తన సినిమా ఇలా సెట్స్ పైకి రావడంతో దర్శకుడు అవసరాల శ్రీనివాస్ ఉబ్బితబ్బిబ్బవుతున్నాడు. అయితే హీరో లుక్ పై ఎలాంటి జాగ్రత్తలు తీసుకుంటారో చూడాలి. ఎందుకంటే, ఈ ఐదేళ్లలో శౌర్య బాగా మారిపోయాడు. ఒకప్పుడు లవర్ బాయ్ గా కనిపించిన ఈ హీరో, ఇప్పుడు సిక్స్ ప్యాక్ సాధించడంతో ముఖం మారిపోయింది.
