32 మంది ఐపీఎస్ లపై బదిలీ వేటు..
శాంతి భద్రతల సమస్య వస్తే, దానికి ఫలానా అధికారి వైఫల్యం కారణం అనుకుంటే.. వెంటనే వారిని బదిలీ చేస్తుంది ప్రభుత్వం. ఐపీఎస్ అయినా, ఐఏఎస్ అయినా దీనికి మినహాయింపు లేదు. అయితే ఓ హత్యకేసు కారణంగా 32 మంది ఐపీఎస్ లు బదిలీ అయిన సంఘటన దేశ చరిత్రలోనే బహుశా ఇదే మొదటిది కావొచ్చు. రాజస్థాన్ ఉద‌య్‌ పూర్ లో జరిగిన టైలర్ కన్హయ్య లాల్ హత్య కేసు నేప‌థ్యంలో ఆ రాష్ట్రంలో ప‌నిచేస్తున్న 32 మంది […]
శాంతి భద్రతల సమస్య వస్తే, దానికి ఫలానా అధికారి వైఫల్యం కారణం అనుకుంటే.. వెంటనే వారిని బదిలీ చేస్తుంది ప్రభుత్వం. ఐపీఎస్ అయినా, ఐఏఎస్ అయినా దీనికి మినహాయింపు లేదు. అయితే ఓ హత్యకేసు కారణంగా 32 మంది ఐపీఎస్ లు బదిలీ అయిన సంఘటన దేశ చరిత్రలోనే బహుశా ఇదే మొదటిది కావొచ్చు. రాజస్థాన్ ఉద‌య్‌ పూర్ లో జరిగిన టైలర్ కన్హయ్య లాల్ హత్య కేసు నేప‌థ్యంలో ఆ రాష్ట్రంలో ప‌నిచేస్తున్న 32 మంది ఐపీఎస్ అధికారులపై బదిలీ వేటు వేసింది ప్రభుత్వం.
కన్హయ్య లాల్ హత్య తర్వాత రాజస్థాన్ పోలీసులపై తీవ్ర ఆరోపణలు వచ్చాయి. పట్ట పగలు, ఇద్దరు వ్యక్తులు ఓ టైలర్ ని అతి కిరాకతంగా కత్తులతో నరికి చంపడం, శవాన్ని రోడ్డుపై పడేసి పారిపోవడం, ఆ హత్యను సెల్ ఫోన్లో రికార్డ్ చేసి మరీ సోషల్ మీడియాలో పోస్ట్ చేయడం చూస్తుంటే.. అసలు పోలీసులు ఏం చేస్తున్నారంటూ మండిపడ్డారు ప్రజలు, సోషల్ మీడియాలో తీవ్రంగా పోలీస్ వ్యవస్థను ట్రోల్ చేశారు. హంతకుల్ని అదేరోజు పోలీసులు అరెస్ట్ చేయడంతో ఈ ఆందోళనలు కాస్త చల్లారాయి. కానీ చివరకు పోలీసులపై ప్రభుత్వం బదిలీ వేటు వేసింది.
స్థానిక పోలీసులు నిందితుల్ని అరెస్ట్ చేసిన తర్వాత విచారణను జాతీయ ద‌ర్యాప్తు ఏజెన్సీ(NIA)కి అప్ప‌గించారు. పాకిస్తాన్ లోని దావ‌త్ ఏ ఇస్లామీ గ్రూపుతో వారికి సంబంధాలు ఉన్న‌ట్లు అనుమానిస్తున్నారు. ఉద‌య్‌ పూర్ ఘ‌ట‌న‌ను ఉగ్ర‌వాద చ‌ర్య‌గా భావిస్తున్నట్టు తెలిపారు రాజస్థాన్ పోలీస్ చీఫ్ ఎంఎల్ లాథ‌ర్. ఈ కేసులో ఇద్దరు నిందితుల‌కు కోర్టు రిమాండ్ విధించింది.
