థాంక్యూ టీజర్ రిలీజ్ డేట్ ఫిక్స్

మనం లాంటి బ్లాక్‌బస్టర తరువాత హీరో నాగచైతన్య, దర్శకుడు విక్రమ్‌కుమార్ కలయికలో రాబోతున్న మరో బ్లాక్‌బస్టర్ చిత్రం థాంక్యూ. ఇప్పటి వరకు ఎన్నో సూపర్‌హిట్ చిత్రాలను అందించిన శ్రీ వెంకటేశ్వర క్రియేషన్స్‌లో నిర్మాణంలో దిల్‌రాజు-శిరీష్‌లు నిర్మాతలుగా రూపొందుతున్న ఈ చిత్రంలో రాశిఖన్నా, మాళవిక నాయర్‌లు హీరోయిన్లుగా నటిస్తున్నారు.

జూలై 8న ప్రపంచవ్యాప్తంగా విడుదల కానున్న ఈ చిత్రం టీజర్‌ను ఈ నెల 25న సాయంత్రం 5గం.4నిమిషాలకు విడుదల చేస్తున్నట్లుగా ప్రకటించింది చిత్ర బృందం. ఈ విషయాన్ని యూనిట్ డిఫరెంట్ గా వెల్లడించింది. నాగచైతన్య సీరియస్ గా డబ్బింగ్ చెబుతుంటే, సీక్రెట్ గా కెమెరాతో విజువల్స్ తీస్తారు. అదేంటని ప్రశ్నిస్తాడు చైతూ. టీజర్ కోసం అంటూ సమాధానమిస్తాడు విక్రమ్ కుమార్. దీంతో నాగచైతన్య హ్యాపీగా ఫీల్ అవుతాడు. ఆ వెంటనే డేట్, టైమ్ ఎనౌన్స్ చేసిన వీడియోను విడుదల చేశారు.

లెజండరీ సినిమాటోగ్రఫర్ పీసీ శ్రీరామ్ ఛాయాగ్రహణం అందిస్తున్న ఈ చిత్రానికి తమన్ స్వరాలు అందిస్తున్నాడు. బీవీఎస్ రవి కథను అందించిన ఈ చిత్రానికి నవీన్‌నూలి ఎడిటర్‌గా వ్యవహరిస్తున్నారు. ఈ సినిమాపై నాగచైతన్య చాలా ఆశలు పెట్టుకున్నాడు. లవ్ స్టోరీ మేజిక్ ను రిపీట్ చేస్తూనే, మనం కాంబినేషన్ లో మరో హిట్ కొట్టాలనేది చైతూ ఆలోచన.