తాప్సి సినిమాకు 'జాతిరత్నం' వాయిస్ ఓవర్

టాలీవుడ్ ప్రముఖ నిర్మాణ సంస్థ మ్యాట్నీ ఎంటర్ టైన్మెంట్ తన తదుపరి చిత్రం 'మిషన్ ఇంపాజిబుల్'ను నిర్మించింది. చాలా కాలం విరామం తర్వాత తెలుగులో తాప్సీ చేస్తున్న సినిమా ఇది. 'ఏజెంట్ సాయి శ్రీనివాస ఆత్రేయ' ఫేమ్ టాలెంటెడ్ డైరెక్టర్ స్వరూప్ ఈ చిత్రానికి దర్శకత్వం వహించాడు.

ఈ చిత్రం హై ఎంటర్ టైన్ మెంట్ తో పాటు కొన్ని ఊహించని ట్విస్ట్ లు, కథనంలో వచ్చే మలుపులు ప్రత్యేక ఆకర్షణగా నిలవనున్నాయి. కథనానికి మరింత ప్రత్యేకతను జోడించడానికి, నవీన్ పోలిశెట్టి ఈ చిత్రానికి తన వాయిస్ఓవర్ ఇచ్చాడు. విడుదలకు ముందే ట్రైలర్, టీజర్ కు అద్భుతమైన స్పందన అందుకున్న ఈ చిత్రం మరింత హైప్ క్రియేట్ చేసింది.

నమ్మశక్యంగాని ఓ నిజమైన సంఘటన ఆధారంగా స్వరూప్ తన అద్భుతమైన రచన, టేకింగ్ తో కమర్షియల్ హంగులు జోడించి ఆకట్టుకునేలా తీర్చిదిద్దాడు. అన్ని కమర్షియల్ అంశాలు ఉంటూ యాక్షన్, థ్రిల్లింగ్ తో కూడిన పూర్తి ఎంటర్టైనర్ ఇది.

ఏప్రిల్ 1న థియేటర్లలోకి రాబోతున్న ఈ సినిమాకు మార్క్ కె రాబిన్ సంగీతం అందించాడు. నిరంజన్ రెడ్డి, అన్వేష్ రెడ్డి ఈ చిత్రాన్ని నిర్మించారు.