పీసీసీ చీఫ్ రేవంత్రెడ్డి అరెస్ట్.. ఇందిరాపార్క్ వద్ద టెన్షన్
పెట్రో, డీజిల్ ధరలు పెరిగినందుకు నిరసనగా కాంగ్రెస్ పార్టీ ఇవాళ చలో రాజ్భవన్కు పిలుపునిచ్చిన విషయం తెలిసిందే. అయితే ఈ కార్యక్రమానికి పోలీసులు అనుమతి ఇవ్వలేదు. కేవలం ఇందిరాపార్క్ వద్ద 200 మందితో సమావేశం నిర్వహించుకొనేందుకు మాత్రమే పోలీసులు పర్మిషన్ ఇచ్చారు. అయితే రేవంత్రెడ్డి మాత్రం ఎట్టి పరిస్థితుల్లో చలో రాజ్భవన్ నిర్వహించి తీరుతామని ప్రకటించారు. ఇవాళ ఉదయం నుంచి పెద్ద సంఖ్యలో కార్యకర్తలు ఇందిరా పార్క్ వద్దకు చేరుకున్నారు. హైదరాబాద్ చుట్టుపక్కల ప్రాంతాల నుంచి ఇందిరాపార్క్కు […]
పెట్రో, డీజిల్ ధరలు పెరిగినందుకు నిరసనగా కాంగ్రెస్ పార్టీ ఇవాళ చలో రాజ్భవన్కు పిలుపునిచ్చిన విషయం తెలిసిందే. అయితే ఈ కార్యక్రమానికి పోలీసులు అనుమతి ఇవ్వలేదు. కేవలం ఇందిరాపార్క్ వద్ద 200 మందితో సమావేశం నిర్వహించుకొనేందుకు మాత్రమే పోలీసులు పర్మిషన్ ఇచ్చారు. అయితే రేవంత్రెడ్డి మాత్రం ఎట్టి పరిస్థితుల్లో చలో రాజ్భవన్ నిర్వహించి తీరుతామని ప్రకటించారు. ఇవాళ ఉదయం నుంచి పెద్ద సంఖ్యలో కార్యకర్తలు ఇందిరా పార్క్ వద్దకు చేరుకున్నారు. హైదరాబాద్ చుట్టుపక్కల ప్రాంతాల నుంచి ఇందిరాపార్క్కు వచ్చేందుకు కాంగ్రెస్ కార్యకర్తలు బయలుదేరారు.
అయితే పోలీసులు ఎక్కడికక్కడ వారిని అరెస్ట్ చేశారు. మరోవైపు ఇందిరాపార్క్ వద్ద నిర్వహించిన సమావేశం నుంచి ఎవరూ బయటకు వెళ్లకుండా చుట్టూ బారికేడ్లు ఏర్పాటు చేశారు. అయితే కాంగ్రెస్ కార్యకర్తలు మాత్రం బారికేడ్లను తొలగించేందుకు ప్రయత్నించారు.
మరోవైపు పీసీసీ అధ్యక్షుడు రేవంత్రెడ్డి కార్యకర్తల సాయంతో బారికేడ్ల నుంచి బయటకు వెళ్లారు. అక్కడి నుంచి రేవంత్రెడ్డి, మధుయాష్కి గౌడ్, అంజన్కుమార్ యాదవ్ తదితరులు ర్యాలీగా బయలుదేరారు. దీంతో పోలీసులు ముగ్గురు నేతలను అరెస్ట్ చేశారు. మరోవైపు కాంగ్రెస్ కార్యకర్తలను కూడా అదుపులోకి తీసుకున్నారు.
ఈ సందర్భంగా రేవంత్రెడ్డి పోలీసులపై తీవ్ర స్థాయిలో విమర్శలు చేశారు. పోలీసులు టీఆర్ఎస్ కార్యకర్తల్లా వ్యవహరిస్తున్నారంటూ మండిపడ్డారు. ఓ కాంగ్రెస్ కార్యకర్తను పోలీసులు చాలా దూరం పరిగెత్తించి అదుపులోకి తీసుకున్నారు. ఇందుకు సంబంధించిన వీడియోను రేవంత్రెడ్డి తన ట్విట్టర్లో పోస్ట్ చేశారు. పోలీసులు కాంగ్రెస్ కార్యకర్తలపై దమనకాండ సాగిస్తున్నారంటూ రేవంత్రెడ్డి పేర్కొన్నారు. ఇందుకు సంబంధించిన వీడియో సోషల్ మీడియాలో వైరల్గా మారింది.
