పవన్ కు రాజమౌళి తండ్రి కథ

విజయేంద్రప్రసాద్.. దేశంలోనే అత్యథిక పారితోషికం తీసుకుంటున్న రచయిత. ఇతడి కథలకు మంచి
డిమాండ్ ఉంది. తనయుడు రాజమౌళి తీసే సినిమాలన్నింటికీ కథలు అందించడంతో పాటు ఇతర
దర్శకులు, హీరోలకు కూడా కథలు అందిస్తున్నాడు విజయేంద్రప్రసాద్. ఈ క్రమంలో పవన్ కల్యాణ్ కు
కూడా ఓ కథ వినిపించాడు ఈ సీనియర్ రైటర్.

విజయేంద్రప్రసాద్ చెప్పిన కథ పవన్ కల్యాణ్ కు బాగా నచ్చిందట. స్పాట్ లో ఆ కథలో నటించడానికి
ఓకే చెప్పారట. అయితే ఈ కథను ఎవరు డైరక్ట్ చేస్తారనేది ప్రస్తుతానికి సస్పెన్స్. పవన్ ఓకే అనాలే కానీ,
టాలీవుడ్ లో దర్శకులంతా క్యూ కడతారు. కాబట్టి విజయేంద్రప్రసాద్ కథకు దర్శకుడ్ని వెదకడం సమస్య
కానేకాదు.

కాకపోతే.. ఈ కథ ఎప్పుడు సెట్స్ పైకి వస్తుందనేది పెద్ద ప్రశ్న. ఎందుకంటే పవన్ ప్రస్తుతం చాలా బిజీగా
ఉన్నారు. చేతిలో 3 సినిమాలున్నాయి. మరో ప్రాజెక్టు పైప్ లైన్లో ఉందని కూడా టాక్. ఇలాంటి టైమ్ లో
విజయేంద్రప్రసాద్ కథకు ఎప్పుడు మోక్షం లభిస్తుందో చూడాలి.