ముకుల్రాయ్.. గుడ్బై.. బీజేపీకి బ్యాడ్టైం స్టార్ట్ అయ్యిందా?
బెంగాల్లో బీజేపీ బ్యాడ్టైం స్టార్ట్ అయినట్టు కనిపిస్తోంది. గత అసెంబ్లీ ఎన్నికల ముందు పశ్చిమబెంగాల్లో బీజేపీ ఎంతో ఉత్సాహంతో కనిపించింది. ఓ దశలో టీఎంసీ నేతలపై కేసులు, ఈడీ సోదాలు, సీబీఐ తనిఖీలతో బెంగాల్ రాజకీయం రసవత్తరంగా మారింది. ఇక దీదీ కూడా బీజేపీకి స్ట్రాంగ్గానే కౌంటర్ ఇచ్చిందనుకోండి. ముకుల్రాయ్ 2017లో బీజేపీలో చేరారు. ఇటీవల జరిగిన ఎన్నికలకు ముందు టీఎంసీకి చెందిన కీలక నేతలు చాలా మంది బీజేపీలో చేరారు. సువేందు అధికారి వంటి వారు […]
బెంగాల్లో బీజేపీ బ్యాడ్టైం స్టార్ట్ అయినట్టు కనిపిస్తోంది. గత అసెంబ్లీ ఎన్నికల ముందు పశ్చిమబెంగాల్లో బీజేపీ ఎంతో ఉత్సాహంతో కనిపించింది. ఓ దశలో టీఎంసీ నేతలపై కేసులు, ఈడీ సోదాలు, సీబీఐ తనిఖీలతో బెంగాల్ రాజకీయం రసవత్తరంగా మారింది. ఇక దీదీ కూడా బీజేపీకి స్ట్రాంగ్గానే కౌంటర్ ఇచ్చిందనుకోండి.
ముకుల్రాయ్ 2017లో బీజేపీలో చేరారు. ఇటీవల జరిగిన ఎన్నికలకు ముందు టీఎంసీకి చెందిన కీలక నేతలు చాలా మంది బీజేపీలో చేరారు. సువేందు అధికారి వంటి వారు అందులో ముఖ్యులు. ఓ దశలో అమిత్ షా మాట్లాడుతూ.. ఇక టీఎంసీలో మమతా బెనర్జీ, ఆమె అల్లుడు మినహా ఎవరూ ఉండరేమో? అని వ్యాఖ్యానించారంటే టీఎంసీ నేతలు ఎంత మంది కాషాయ పార్టీలోకి వెళ్లారో పరిస్థితి అర్థం చేసుకోవచ్చు.
ప్రస్తుతం బెంగాల్ బీజేపీ కీలక నేత, ఆ పార్టీ జాతీయ ఉపాధ్యక్షుడు ముకుల్ రాయ్.. బీజేపీకి గుడ్బై చెప్పారు. శుక్రవారం మమతా బెనర్జీ సమక్షంలో ఆయన టీఎంసీలో చేరారు. బెంగాల్లో ఎలాగైనా బలపడుదామనుకున్న బీజేపీకి ఇది పెద్ద షాక్ అనే భావించవచ్చు.
నిజానికి ముకుల్ రాయ్ బీజేపీలో చేరినా.. మమత మీద పెద్దగా ద్వేషపూరిత ప్రసంగాలు చేయలేదు. సైద్ధాంతిక పరమైన విమర్శలు మాత్రమే చేశారు. మరో నేత సువేందు అధికారి మాత్రం మమతతో తాడోపేడో తేల్చుకుందాం.. అన్నట్టుగా ప్రవర్తించారు.
అయితే తొలుత ముకుల్ రాయ్ బీజేపీలో చేరినప్పటికీ.. ఆ తర్వాత చేరిన సువేందు అధికారికే పార్టీలో ప్రాధాన్యం దక్కింది. ఆయనను బీజేపీ శాసనసభపక్షనేతగా ఎన్నుకున్నారు. ఈ పరిణామంతో ముకుల్ నోచుకున్నట్లు తెలుస్తోంది. మరోవైపు ముకుల్ భార్యకు ఇటీవల కరోనా సోకగా.. నేరుగా మమతా బెనర్జీ, మమత మేనల్లుడు, మంత్రి అభిషేక్ బెనర్జీ ఆమెను పరామర్శించారు. ముకుల్ రాయ్కి ధైర్యం చెప్పారు. అప్పటినుంచే ముకుల్ రాయ్ బీజేపీలో చేరతారన్న వార్తలు రాగా ఇప్పుడు అదే నిజమైంది.
