ఐపీఎల్.. ఖేల్ ఖతం అయినట్టేనా? ఏమన్నా చాన్స్ ఉందా?
ఐపీఎల్.. కోట్ల మంది క్రికెట్ అభిమానులకు ఇదో పండగ. గత ఏడాది కరోనా ఉండటంతో విదేశాల్లో ఐపీఎల్ను నిర్వహించారు. ఐపీఎల్ అంటేనే వేలకోట్ల ఆదాయం. ప్రేక్షకుల ఆసక్తి కూడా అదే స్థాయిలో ఉంటుంది. దీంతో ఐపీఎల్ను ప్రతి ఏడాది నిర్వహిస్తుంటారు. ఈ ఏడాది కూడా మనదేశంలోనే ఐపీఎల్ నిర్వహించాలని భావించారు. బయోబబుల్ పద్ధతిలో ప్రారంభించారు. కానీ ఎక్కడో తేడా కొట్టింది. కొందరు ఆటగాళ్లకు కరోనా సోకింది. వెరసి కరోనా నిరవధికంగా వాయిదా పడింది. అప్పటి నుంచి ఇటు […]
ఐపీఎల్.. కోట్ల మంది క్రికెట్ అభిమానులకు ఇదో పండగ. గత ఏడాది కరోనా ఉండటంతో విదేశాల్లో ఐపీఎల్ను నిర్వహించారు. ఐపీఎల్ అంటేనే వేలకోట్ల ఆదాయం. ప్రేక్షకుల ఆసక్తి కూడా అదే స్థాయిలో ఉంటుంది. దీంతో ఐపీఎల్ను ప్రతి ఏడాది నిర్వహిస్తుంటారు.
ఈ ఏడాది కూడా మనదేశంలోనే ఐపీఎల్ నిర్వహించాలని భావించారు. బయోబబుల్ పద్ధతిలో ప్రారంభించారు. కానీ ఎక్కడో తేడా కొట్టింది. కొందరు ఆటగాళ్లకు కరోనా సోకింది. వెరసి కరోనా నిరవధికంగా వాయిదా పడింది.
అప్పటి నుంచి ఇటు క్రికెట్ అభిమానులు, అటు ప్రాంచైజీల్లో ఒకటే టెన్షన్. ఇంతకీ ఐపీఎల్ నిర్వహిస్తారా? లేదా? అని. విదేశాల్లో ఐపీఎల్ నిర్వహించే అవకాశం ఉందని.. అందుకు సంబంధించిన సాధ్యసాధ్యాలను బీసీసీఐ పరిశీలిస్తుందని వార్తలు వచ్చాయి. కానీ ప్రస్తుతం పరిస్థితి చూస్తుంటే అసలు ఐపీఎల్ కొనసాగిస్తారా? లేదా అన్న డౌట్ నెలకొన్నది.
మరోవైపు మనదేశంలో విపరీతంగా కరోనా కేసులు పెరుగుతున్నాయి. ప్రభుత్వాలు నిస్సహాయ స్థితిలోకి జారుకున్నాయి. దీంతో ప్రపంచవ్యాప్తంగా విమర్శలు వస్తున్నాయి. ముఖ్యంగా విదేశీ మీడియా భారత ప్రభుత్వ పనితీరును ఏకి పారేస్తున్నది. ఇది ప్రధాని నరేంద్ర మోదీ వైఫల్యమేనంటూ విమర్శలు గుప్పిస్తున్నది. ఈ పరిస్థితుల్లో ఇప్పటికే కొన్ని రాష్ట్రాల్లో లాక్డౌన్ విధించారు. మరోవైపు ఆక్సిజన్ దొరకక.. బెడ్లు అందక రోజుకు పదుల సంఖ్యలో కరోనా బాధితుల ప్రాణాలు గాల్లో కలిసిపోతున్నాయి.
ఇటువంటి పరిస్థితుల్లో ఐపీఎల్ మనదేశంలో నిర్వహించడం అసాధ్యమే. కానీ విదేశాల్లో నిర్వహించే అవకాశం ఉందని వార్తలు వస్తున్నాయి. ఈ విషయంపై బీసీసీఐ అధ్యక్షుడు సౌరవ్ గంగూలీ మాట్లాడుతూ.. ’ఐపీఎల్ నిర్వహణపై మాట్లాడటానికి ఇది సమయమని నేను భావించడం లేదు’ అంటూ నర్మ గర్భ వ్యాఖ్యలు చేశారు.
ఈ ఏడాది జూలైలో మాత్రం భారత జట్టు శ్రీలంక లో పర్యటించి మూడు వన్డేలు, ఐదు టీ20 మ్యాచ్‌ల సిరీస్‌లో పాల్గొంటుందని ఆయన తెలిపారు. ఐపీఎల్ విషయంపై ఇప్పుడే తాను ఏమీ మాట్లాడలేనని ఆయన పేర్కొన్నారు.
న్యూజిలాండ్‌తో వరల్డ్‌ టెస్టు చాంపియన్‌షిప్‌ ఫైనల్, ఆ తర్వాత ఇంగ్లండ్‌తో ఐదు టెస్టుల సిరీస్‌ ఆడేందుకు భారత బృందం జూన్‌ 2న ఇంగ్లండ్‌కు బయలుదేరనుంది. ఐపీఎల్లో ఇంకా 31 మ్యాచులు జరగవలసి ఉన్నది. ఒకవేళ ఐపీఎల్ను రద్దు చేస్తే అధికారికంగానే దాదాపు రూ. 2500 కోట్ల నష్టం వాటిల్లే అవకాశం ఉందని సమాచారం. దీంతో ఎట్టి పరిస్థితుల్లో ఐపీఎల్ నిర్వహించాలని బీసీసీఐ పట్టుదలతో ఉన్నట్టు సమాచారం. ప్రాంచైజీలు కూడా ఆ దిశగానే ఒత్తిడి చేస్తున్నాయి. ఇక బీసీసీఐ ఎటువంటి నిర్ణయం తీసుకుంటుందో వేచి చూడాలి.
