కేటీఆర్ కు కరోనా..!
రాష్ట్ర ఐటీ పరిశ్రమల శాఖ మంత్రి కేటీఆర్ కు కరోనా సోకింది. ఈ మేరకు ఆయనే స్వయంగా ట్వీట్ చేశారు. తనకు రెండ్రోజులుగా స్వల్పంగా లక్షణాలు కనిపించడంతో కరోనా టెస్ట్ చేయించుకున్నానని.. దీంతో కరోనా పాజిటివ్ అని తేలిందని చెప్పారు. ప్రస్తుతం తాను ఐసోలేషన్ లో ఉండి చికిత్స తీసుకుంటున్నట్టు చెప్పారు. ఇటీవల తనను కలిసిన వారంతా వెంటనే క్వారంటైన్ కు వెళ్లాలని.. కరోనా పరీక్షలు చేయించుకోవాలని సూచించారు. కాగా, ఇటీవలే సీఎం కేసీఆర్కు, ఎంపీ సంతోష్ […]
రాష్ట్ర ఐటీ పరిశ్రమల శాఖ మంత్రి కేటీఆర్ కు కరోనా సోకింది. ఈ మేరకు ఆయనే స్వయంగా ట్వీట్ చేశారు. తనకు రెండ్రోజులుగా స్వల్పంగా లక్షణాలు కనిపించడంతో కరోనా టెస్ట్ చేయించుకున్నానని.. దీంతో కరోనా పాజిటివ్ అని తేలిందని చెప్పారు. ప్రస్తుతం తాను ఐసోలేషన్ లో ఉండి చికిత్స తీసుకుంటున్నట్టు చెప్పారు. ఇటీవల తనను కలిసిన వారంతా వెంటనే క్వారంటైన్ కు వెళ్లాలని.. కరోనా పరీక్షలు చేయించుకోవాలని సూచించారు.
కాగా, ఇటీవలే సీఎం కేసీఆర్కు, ఎంపీ సంతోష్ కుమార్కు కరోనా సోకిన విషయం తెలిసిందే. సీఎం కేసీఆర్ కు కరోనా సోకడంతో ఆయన ఫామ్హౌస్లో ఉండి చికిత్స తీసుకుంటున్నారు. కేసీఆర్ వ్యక్తిగత డాక్టర్ ఎంవీ రావు నిరంతరం ఆయన ఆరోగ్య పరిస్థితిని పర్యవేక్షిస్తున్నారు. ఇదిలా ఉంటే రెండ్రోజుల క్రితం సీఎం కేసీఆర్కు సోమాజిగూడ యశోదలో వైద్య పరీక్షలు నిర్వహించారు. సీటీ స్కాన్, ఇతర రక్త పరీక్షలు నిర్వహించారు.
అయితే కేసీఆర్ ప్రస్తుతం ఆరోగ్యంగానే ఉన్నారని.. ఆయన ఉపిరితిత్తులకు ఇన్ఫెక్షన్ సోకలేదని వైద్యులు తేల్చి చెప్పారు. ఇదిలా ఉంటే ఆ టైంలో మంత్రి కేటీఆర్, ఎంపీ సంతోష్ కుమార్ కేసీఆర్ వెంటే ఉన్నారు. దీంతో వాళ్లకు కూడా కరోనా సోకినట్టు సమాచారం. ప్రస్తుతం కేటీఆర్ ప్రగతిభవన్లో ఐసోలేషన్ లో ఉంటూ చికిత్స తీసుకుంటున్నారు. ఓ వైపు ముఖ్యమంత్రికి, ఆయన కుమారుడు కేటీఆర్ కు కరోనా సోకడంతో టీఆర్ఎస్ అభిమానులు, కార్యకర్తల్లో ఆందోళన నెలకొన్నది. వీరిద్దరూ త్వరగా కోలుకోవాలని టీఆర్ఎస్ కార్యకర్తలు పూజలు చేస్తున్నారు.
