రాధిక, శరత్కుమార్ దంపతులకు జైలుశిక్ష..!
ప్రముఖ నటి రాధిక, ఆమె భర్త శరత్కమార్ చిక్కుల్లో పడ్డారు. ఈ కేసులో వారికి కోర్టు ఏడాది జైలు శిక్ష విధిస్తూ కోర్టు తీర్పు వెలువరించింది. ప్రస్తుతం ఈ వార్త తమిళనాడులో సంచలనంగా మారింది. రాధిక, శరత్ కుమార్ నిన్నటి వరకు ఎన్నికల ప్రచారంలో బిజీగా గడిపిన విషయం తెలిసిందే. ప్రముఖ నటుడు కమల్ హాసన్ నేతృత్వంలోని మక్కల్ నీది మయ్యం పార్టీ తో వాళ్లు పొత్తు పెట్టుకొని ఎన్నికల బరిలో నిలిచారు. ఇదిలా ఉంటే నిన్నే […]
ప్రముఖ నటి రాధిక, ఆమె భర్త శరత్కమార్ చిక్కుల్లో పడ్డారు. ఈ కేసులో వారికి కోర్టు ఏడాది జైలు శిక్ష విధిస్తూ కోర్టు తీర్పు వెలువరించింది. ప్రస్తుతం ఈ వార్త తమిళనాడులో సంచలనంగా మారింది. రాధిక, శరత్ కుమార్ నిన్నటి వరకు ఎన్నికల ప్రచారంలో బిజీగా గడిపిన విషయం తెలిసిందే.
ప్రముఖ నటుడు కమల్ హాసన్ నేతృత్వంలోని మక్కల్ నీది మయ్యం పార్టీ తో వాళ్లు పొత్తు పెట్టుకొని ఎన్నికల బరిలో నిలిచారు. ఇదిలా ఉంటే నిన్నే తమిళనాట ఎన్నికలు ముగిశాయి. ఈ క్రమంలో సడెన్గా వీరికి జైలు శిక్ష ఖరారు చేస్తున్నట్టు చెన్నై స్పెషల్ కోర్టు ప్రకటించింది.
కేసు నేపథ్యం ఇదీ..!
గతంలో రాధిక, శరత్కుమార్ దంపతులు లిస్టిన్ స్టీఫెన్ అనే వ్యక్తి సంయుక్తంగా సినిమాలు నిర్మించేవాళ్లు. ఈ క్రమంలో రేడియన్స్ మీడియా ప్రైవేట్ లిమిటెడ్ అనే కంపెనీ నుంచి వీళ్లు పెద్ద మొత్తంలో డబ్బు తీసుకున్నారు. అయితే ఆ డబ్బు కోసం సదరు సంస్థ ఒత్తడి చేయగా.. 2017లో వారికి రాధిక, శరత్ కుమార్ దంపతులు ఓ చెక్ రాసి ఇచ్చారు. కానీ ఈ చెక్ బౌన్స్ అయ్యింది. దీంతో సదరు కంపెనీ కోర్టును ఆశ్రయించింది.
చాలా కాలంగా ఈ కేసుపై వాదోపవాదాలు సాగాయి. ఇదిలా ఉంటే ఈ కేసును విచారించిన ప్రత్యేక న్యాయస్థానం ఇవాళ రాధిక దంపతులకు ఏడాది జైలు శిక్ష విధిస్తున్నట్టు ప్రకటించింది. అయితే ఈ విషయంపై రాధిక దంపతులు పై కోర్టును ఆశ్రయిస్తారా? లేక జైలు శిక్ష అనుభవిస్తారా? అన్న విషయం వేచి చూడాలి.
