తెలంగాణ అసెంబ్లీ వద్ద టెన్షన్ టెన్షన్.. ఏబీవీపీ కార్యకర్తల అరెస్ట్..!
తెలంగాణ అసెంబ్లీ వద్ద ఉద్రిక్త పరిస్థితులు నెలకొన్నాయి. రాష్ట్రంలో ఖాళీగా ఉన్న ఉద్యోగాలను భర్తీ చేయాలంటూ ఇవాళ ఏబీవీపీ అసెంబ్లీ ముట్టడికి పిలుపునిచ్చింది. దీంతో పెద్ద ఎత్తున కార్యకర్తలు అసెంబ్లీ వద్దకు చేరుకున్నారు. ఈ క్రమంలో ఉద్రిక్తత నెలకొన్నది. వెంటనే రంగంలోకి దిగిన పోలీసులు ఆందోళన కారులను అదుపులోకి తీసుకున్నారు. ఇటీవల రాష్ట్ర ప్రభుత్వ ఉద్యోగుల పదవీకాలాన్ని 61 సంవత్సరాలకు పెంచుతున్నట్టు సీఎం కేసీఆర్ అసెంబ్లీలో ప్రకటించిన విషయం తెలిసిందే. సీఎం నిర్ణయం పట్ల ఉద్యోగసంఘాలు హర్షం […]
తెలంగాణ అసెంబ్లీ వద్ద ఉద్రిక్త పరిస్థితులు నెలకొన్నాయి. రాష్ట్రంలో ఖాళీగా ఉన్న ఉద్యోగాలను భర్తీ చేయాలంటూ ఇవాళ ఏబీవీపీ అసెంబ్లీ ముట్టడికి పిలుపునిచ్చింది. దీంతో పెద్ద ఎత్తున కార్యకర్తలు అసెంబ్లీ వద్దకు చేరుకున్నారు. ఈ క్రమంలో ఉద్రిక్తత నెలకొన్నది. వెంటనే రంగంలోకి దిగిన పోలీసులు ఆందోళన కారులను అదుపులోకి తీసుకున్నారు.
ఇటీవల రాష్ట్ర ప్రభుత్వ ఉద్యోగుల పదవీకాలాన్ని 61 సంవత్సరాలకు పెంచుతున్నట్టు సీఎం కేసీఆర్ అసెంబ్లీలో ప్రకటించిన విషయం తెలిసిందే. సీఎం నిర్ణయం పట్ల ఉద్యోగసంఘాలు హర్షం వ్యక్తం చేయగా.. నిరుద్యోగులు మాత్రం అసంతృప్తితో ఉన్నారు. సీఎం కేసీఆర్ ఖాళీగా ఉన్నపోస్టులను భర్తీ చేయకుండా .. నిరుద్యోగుల పొట్టగొడుతున్నారని వాళ్లు విమర్శించారు. ఇదిలా ఉంటే ఇవాళ ఏబీవీపీ ఆందోళనకు పిలుపునిచ్చింది. అసెంబ్లీని ముట్టడిస్తున్నట్టు ప్రకటించింది. దీంతో పెద్ద ఎత్తున ఏబీవీపీ కార్యకర్తలు అసెంబ్లీ ప్రాంగణానికి చేరుకున్నారు.
ఈ సందర్భంగా ఏబీవీపీ కార్యకర్తలు మాట్లాడుతూ. . సీఎం కేసీఆర్ నిరుద్యోగుల పొట్టకొడుతున్నారని ఆరోపించారు. వెంటనే వివిధ విభాగాల్లో ఖాళీగా ఉన్న పోస్టులను భర్తీ చేయాలని డిమాండ్ చేశారు. సీఎం కేసీఆర్ త్వరలో నిర్ణయం తీసుకోకపోతే ఆందోళనను మరింత ఉధృతం చేస్తామని హెచ్చరించారు. మరోవైపు గత కొంతకాలంగా వివిధ విద్యార్థి సంఘాలు ప్రభుత్వ తీరును తప్పుబడుతున్నారు. ఇటీవల కరోనా ఎఫెక్ట్తో యూనివర్సిటీలు, హాస్టళ్ళు, అన్ని విద్యాసంస్థలను క్లోజ్చేసిన విషయం తెలిసిందే. ఈ నిర్ణయం పట్ల కూడా ఓయూ విద్యార్థులు భగ్గుమన్నారు. నిన్న ఆందోళన నిర్వహించారు.
మరోవైపు ప్రైవేటు పాఠశాలల ఉపాధ్యాయులు సైతం ఆందోళనకు దిగారు. లాక్డౌన్ తో తాము సర్వస్వం కోల్పోయామని.. ఇప్పుడిప్పుడే స్కూళ్లు తెరుస్తుంటే.. మళ్లీ బంద్ చేయడం సరికాదంటూ వాళ్ల ఆందోళన చేపట్టారు. వెంటనే స్కూళ్లను, విద్యాసంస్థలను తెరవాలని డిమాండ్ చేశారు. లేదంటే ప్రైవేటు ఉపాధ్యాయులకు ప్రభుత్వం జీవనభృతిని అందజేయాలని కోరుతున్నారు.
