చేపాక్​ నుంచి ఉదయనిధి.. తాత పోటీచేసిన స్థానం నుంచే..!

తమిళనాడు రాజకీయాలంటేనే ఎంతో విభిన్నం.. వాళ్ల ప్రచారశైలి.. ఆర్భాటాలు, హంగులు, సినీ గ్లామర్​ అక్కడి ఎన్నికలు ఎంతో కలర్​ఫుల్​గా సాగుతుంటాయి. ప్రచార జిమ్మిక్కులు, ఉచిత హామీలు, విభిన్న ప్రచారాలు కూడా అక్కడే ఎక్కువ. దీంతో తమిళనాడు ఎన్నికలపై ప్రత్యేక ఆసక్తి నెలకొని ఉంటుంది. ఈ సారి ఇద్దరు మహానేతలు లేకుండా ఎన్నికలు జరుగుతున్నాయి. దిగ్గజ నేతలు జయలలిత, కరుణానిధి మరణాంతరం ఈ సారి ఎన్నికలు జరగబోతున్నాయి. చాలా పార్టీలు బరిలో నిలిచినప్పటికీ డీఎంకే, అన్నాడీఎంకే మధ్యే ప్రధాన పోటీ నెలకొని ఉంది.

శశికళ తప్పుకోవడంతో అన్నాడీఎంకేకు కొంత లైన్​ క్లియర్​ అయింది. ఇదిలా ఉంటే తాజాగా డీఎంకే తమ అభ్యర్థుల తొలి జాబితాను విడుదల చేసింది. డీఎంకే అధినేత స్టాలిన్​ కొలతూరు నుంచి బరిలో దిగుతున్నారు. ఆయన కుమారుడు ఉదయనిధి స్టాలిన్​ చేపాక్​ నియోజకవర్గం నుంచి పోటీ చేయబోతున్నారు.

చేపాక్​ నియోజకవర్గంలో గతంలో గతంలో దివంగత నేత కరుణానిధి పోటీచేసేవారు. దీంతో ఈ ఇప్పుడు ఈ స్థానంపై ఆసక్తి నెలకొన్నది. ఎన్నికల అభ్యర్థులను ఎంపిక చేసే సమయంలో డీఎంకే ఇంటర్వ్యూలు చేస్తు వస్తున్నది. పార్టీ వ్యవస్థాపకుడు కరుణానిధి టైంలోనూ ఈ ప్రక్రియ కొనసాగింది. అయితే ఇటీవల అభ్యర్థుల ఎంపిక లో భాగంగా ఉదయనిధి స్టాలిన్​ను డీఎంకే బృందం ఇంటర్వ్యూ చేసింది. ఆ తర్వాత ఆయన ఇంటర్వ్యూలో సెలెక్ట్​ కాలేదని.. అందుకే ఆయన పోటీచేయకపోవచ్చని వార్తలు వచ్చాయి. కానీ అనూహ్యంగా చేపాక్​ స్థానం నుంచి ఉదయనిధి స్టాలిన్​ పోటీచేయబోతున్నట్టు స్టాలిన్​ ప్రకటించారు.

మరోవైపు సీనియర్లకు మొదటి జాబితాలో చోటు దక్కింది. కే ఎన్ నెహ్రూ త్రిచీ నుంచి, సెంథిల్ బాలాజీ కరూర్ నుంచి, టీఆర్‌బీ రాజా మన్నార్ గూడి నియోజకవర్గం నుంచి, తంగా తమిళ్ సెల్వన్ బోడినాయకనూర్ నియోజకవర్గం నుంచి బరిలోకి దిగుతున్నారు.