హమ్మయ్య లెక్క తేలింది.. డీఎంకే, కాంగ్రెస్ మధ్య కుదిరిన సీట్ల సర్దుబాటు..!
త్వరలో అసెంబ్లీ ఎన్నికలు జరుగనున్న తమిళనాడులో డీఎంకే, కాంగ్రెస్ మధ్య సీట్ల సర్దుబాటు ఓ కొలిక్కి వచ్చింది. మొత్తానికి డీఎంకే 180 స్థానాల్లో.. కాంగ్రెస్ 25 స్థానాల్లో పోటీచేయబోతున్నాయి. కాంగ్రెస్కు అధికసంఖ్యలో సీట్లు ఇచ్చేందుకు డీఎంకే అధినేత మొదట్లో స్టాలిన్ ఒప్పుకోలేదు. కాంగ్రెస్ మొత్తం 40 స్థానాలు కావాలని పట్టుబట్టింది. అయితే స్టాలిన్ చేయించుకున్న ఓ సర్వే ప్రకారం.. తమిళనాడులో కాంగ్రెస్ గ్రాఫ్ తగ్గిపోయిందట. ఒకవేళ ఆ పార్టీకి ఎక్కువ సీట్లు ఇస్తే.. అక్కడ ఇతరులు గెలిచి […]
త్వరలో అసెంబ్లీ ఎన్నికలు జరుగనున్న తమిళనాడులో డీఎంకే, కాంగ్రెస్ మధ్య సీట్ల సర్దుబాటు ఓ కొలిక్కి వచ్చింది. మొత్తానికి డీఎంకే 180 స్థానాల్లో.. కాంగ్రెస్ 25 స్థానాల్లో పోటీచేయబోతున్నాయి. కాంగ్రెస్కు అధికసంఖ్యలో సీట్లు ఇచ్చేందుకు డీఎంకే అధినేత మొదట్లో స్టాలిన్ ఒప్పుకోలేదు. కాంగ్రెస్ మొత్తం 40 స్థానాలు కావాలని పట్టుబట్టింది. అయితే స్టాలిన్ చేయించుకున్న ఓ సర్వే ప్రకారం.. తమిళనాడులో కాంగ్రెస్ గ్రాఫ్ తగ్గిపోయిందట. ఒకవేళ ఆ పార్టీకి ఎక్కువ సీట్లు ఇస్తే.. అక్కడ ఇతరులు గెలిచి అసలుకే మోసం వచ్చే ప్రమాదం ఉందని స్టాలిన్ లెక్కలు వేసుకున్నారు.
దీంతో ఆయన కాంగ్రెస్ పార్టీకి ఎక్కువ సీట్లు ఇచ్చేందుకు సుముఖంగా లేరు. అయితే కాంగ్రెస్ మాత్రం తమకు తగినన్ని సీట్లు కావాల్సిందేనంటూ పట్టుబట్టింది. దీంతో ఇరుపార్టీల మధ్య ఎడతెగని చర్చలు జరిగాయి. చివరకు ఈ చర్చలు ఓ కొలిక్కి వచ్చాయి. కాంగ్రెస్కు 25 స్థానాలు ఇచ్చేందుకు డీఎంకే ఒప్పుకున్నది. కన్యాకుమారి లోక్సభ స్థానంలోనూ కాంగ్రెస్ పోటీచేయనున్నది.
మొదట్లో కాంగ్రెస్ నేతలు 41 స్థానాలు డిమాండ్ చేశారు. అయితే డీఎంకే 20 సీట్లే కేటాయించడంతో కాంగ్రెస్ అలకబూనింది. ఓ దశలో కాంగ్రెస్ అధ్యక్షుడు కేఎస్ అళగిరి డీఎంకే తీరుపట్ల తీవ్ర మనస్తాపం చెంది కన్నీళ్లు కూడా పెట్టుకున్నారు. ఇందుకు సంబంధించిన వీడియోలు సోషల్మీడియాలో వైరల్గా మారాయి. కాంగ్రెస్, డీఎంకే తెగదెంపులు చేసుకుంటాయన్న వార్తలు కూడా వచ్చాయి. అయితే ఎట్టకేలకు చర్చలు ఫలించాయి.
చివరకు కాంగ్రెస్ పార్టీ ఓ మెట్టుదిగడం, డీఎంకే మరో ఐదు సీట్లు కేటాయించడంతో వివాదానికి తెరపడింది. రాహుల్ గాంధీ జోక్యంతో వివాదం సద్దుమణిగిందని సమాచారం. ప్రస్తుతం తమిళనాడులో రాజకీయ పరిస్థితిని డీఎంకే అధినేత స్టాలిన్.. రాహుల్కు వివరించారట. రాహుల్ కూడా స్టాలిన్ వాదనతో ఏకీభవించనట్టు సమాచారం.