మాయచేస్తున్న ప్రేమమ్ సాంగ్
అందరిలాగే నాగచైతన్య కూడా వెబ్ నే నమ్ముకున్నాడు. తన సినిమా పాటల్ని ఒక్కొక్కటిగా ఆన్ లైన్ లో రిలీజ్ చేస్తున్నాడు. ఆ తర్వాత పూర్తిస్థాయి ఆడియోను మార్కెట్లోకి తీసుకురావడానికి ప్లాన్ చేస్తున్నాడు. ఇందులో భాగంగా మొదటగా విడుదల చేసిన ఎవరే అనే పాట సోషల్ మీడియాలో హల్ చల్ చేస్తోంది. మరీ ముఖ్యంగా యూబ్యూట్ లో ఈ పాట ఓ సంచలనంగా మారింది. తాజాగా ఈ పాట యూట్యూబ్ లో మిలియన్ మార్క్ చేరుకుంది. ఆగస్ట్ 17న విడుదలైన […]
అందరిలాగే నాగచైతన్య కూడా వెబ్ నే నమ్ముకున్నాడు. తన సినిమా పాటల్ని ఒక్కొక్కటిగా ఆన్ లైన్ లో రిలీజ్ చేస్తున్నాడు. ఆ తర్వాత పూర్తిస్థాయి ఆడియోను మార్కెట్లోకి తీసుకురావడానికి ప్లాన్ చేస్తున్నాడు. ఇందులో భాగంగా మొదటగా విడుదల చేసిన ఎవరే అనే పాట సోషల్ మీడియాలో హల్ చల్ చేస్తోంది. మరీ ముఖ్యంగా యూబ్యూట్ లో ఈ పాట ఓ సంచలనంగా మారింది. తాజాగా ఈ పాట యూట్యూబ్ లో మిలియన్ మార్క్ చేరుకుంది. ఆగస్ట్ 17న విడుదలైన ఈ పాటను ఇప్పటివరకు 10లక్షల మంది చూశారు. నాగచైతన్య కెరీర్ లోనే దీన్నొక రికార్డుగా చెప్పుకోవచ్చు.
ప్రేమమ్ సినిమాకు రాజేష్ మురుగేశన్, గోపీ సుందర్ సంగీతం అందించారు. తాజాగా రికార్డు సృష్టించిన ఈ పాటను విజయ్ యేసుదాసు ఆలపించాడు. ఇందులోని సాహిత్యాన్ని శ్రీమణి అందించాడు. కార్తికేయతో పరిచయమైన దర్శకుడు చందూ మొండేటి… తన రెండో ప్రయత్నంగా ప్రేమమ్ సినిమాను తెరకెక్కిస్తున్నాడు. షూటింగ్ ఇప్పటికే పూర్తిచేసుకున్న ఈ సినిమాకు సంబంధించి ప్రస్తుతం పోస్ట్ ప్రొడక్షన్ వర్క్ జరుగుతోంది. నాగ చైతన్య సరసన శృతి హాసన్, అనుపమ పరమేశ్వరన్, మడోన్నా సెబాస్టియన్.. హీరోయిన్లు నటించిన ఈ సినిమాలో విక్టరీ వెంకటేష్ ఓ స్పెషల్ రోల్ చేయడం విశేషం. సినిమాను వచ్చేనెలలో విడుదల చేస్తున్నారు.
Also Read
