విమానం పేలిపోతుంది పారిపోండి అంటే...ఆమె విమానంలోకి ప‌రిగెత్తింది!
క్ష‌ణాల్లో విమానం పేలిపోతుంది. అంద‌రూ పారిపోండి…అని పైల‌ట్ చెబితే అక్క‌డ ప‌రిస్థితి ఎంత ఉద్రిక్తంగా, భ‌యాన‌కంగా మారిపోతుందో చెప్పాల్సిన ప‌నిలేదు. కానీ అలాంటి స్థితిలో ఉన్న విమానం నుండి దిగిన ఒక యువ‌తి, తిరిగి అందులోకి ప‌రుగులు తీసింది. వివ‌రాల్లోకి వెళితే– ఆల్ కెమిస్ట్ ఫార్మా కంపెనీకి చెందిన ఎయిర్ అంబులెన్స్‌లో పాట్నా నుండి బ్రెయిన్ హేమ‌రేజ్ తో బాధ‌ప‌డుతున్న ఒక పేషంటుని ఢిల్లీకి త‌ర‌లిస్తున్నారు. అందులో మొత్తం ఏడుగురు ఉన్నారు. విమాన సిబ్బందితో పాటు పేషంటు, […]
క్ష‌ణాల్లో విమానం పేలిపోతుంది. అంద‌రూ పారిపోండి…అని పైల‌ట్ చెబితే అక్క‌డ ప‌రిస్థితి ఎంత ఉద్రిక్తంగా, భ‌యాన‌కంగా మారిపోతుందో చెప్పాల్సిన ప‌నిలేదు. కానీ అలాంటి స్థితిలో ఉన్న విమానం నుండి దిగిన ఒక యువ‌తి, తిరిగి అందులోకి ప‌రుగులు తీసింది. వివ‌రాల్లోకి వెళితే–
ఆల్ కెమిస్ట్ ఫార్మా కంపెనీకి చెందిన ఎయిర్ అంబులెన్స్‌లో పాట్నా నుండి బ్రెయిన్ హేమ‌రేజ్ తో బాధ‌ప‌డుతున్న ఒక పేషంటుని ఢిల్లీకి త‌ర‌లిస్తున్నారు. అందులో మొత్తం ఏడుగురు ఉన్నారు. విమాన సిబ్బందితో పాటు పేషంటు, డాక్ట‌ర్‌, ఒక టెక్నీషియ‌న్‌, పేషంటు కుమార్తె జూహీ రాయ్ (23) కూడా ఉంది. అయితే ఎయిర్ అంబులెన్స్‌లోని రెండు ఇంజిన్లు ఫెయిల్ అయ్యాయ‌ని గ‌మ‌నించిన పైల‌ట్ నైరుతి ఢిల్లీకి స‌మీపంలో ఉన్న న‌జ‌ఫ్‌గ‌ఢ్‌లో విమానాన్ని దింపాలనుకున్నాడు. విమానం లాండ్ కాగానే పేలిపోతుంద‌నే భ‌యం ఉండ‌టంతో, విమానం ల్యాండ్ అయిన వెంట‌నే ప‌రిగెత్తండి.. అంటూ ముందుగానే అంద‌రికీ చెప్పాడు. ల్యాండ్ చేయ‌గానే డోర్‌ని ఓపెన్ చేశాడు.
అంతా ప‌రుగులు తీస్తుండ‌గా జూహీ రాయ్ తండ్రి స్పృహ లేకుండా అలాగే స్ట్రెచ‌ర్‌మీద ఉన్నాడు. ఆమె తాను ఒక వైపు స్ట్రెచ‌ర్‌ని ప‌ట్టుకుని స‌హాయం కోసం కేక‌లు పెట్టింది. పైల‌ట్ స‌హాయం చేయ‌డంతో తండ్రిని కింద‌కు తీసుకురాగ‌లిగింది. అయితే తండ్రి తాలూకూ మెడిక‌ల్ రిపోర్టులు, ఆక్సిజ‌న్ సిలిండ‌ర్‌, డ‌బ్బు ఉన్న బ్యాగు ఇవ‌న్నీ విమానంలోనే ఉండిపోవ‌టంతో జుహీరాయ్ మ‌ళ్లీ విమానం వైపు ప‌రుగులు తీసింది. 400 లీట‌ర్లు ఇంధ‌నం ఉన్న ఆ విమానం ఎప్పుడైనా పేలిపోవ‌చ్చనే అనుమానం ఉండ‌గా, అంద‌రూ ఆమెను వెళ్ల‌వ‌ద్ద‌ని వారించారు. కానీ తండ్రిప‌ట్ల ఆమెకున్న ప్రేమ, బాధ్య‌త ఆమెని నిల‌బ‌డ‌నీయ‌లేదు. ఆ వ‌స్తువులను విమానంలోంచి తీసుకురాగానే జూహీరాయ్ 100నెంట‌రుకి ఫోన్‌చేసి తండ్రిని ఆసుప‌త్రికి తీసుకువెళ్ల‌టంలో పోలీసుల స‌హాయాన్ని తీసుకుంది. విచిత్రం ఏమిటంటే ఈ హ‌డావుడిలో ఇత‌రులకైనా చిన్న గాయాల‌య్యాయి కానీ జుహీరాయ్ తండ్రికి ఏ చిన్న గాయ‌మూ కాలేదు. త‌న కూతురు అత్య‌ద్భుత‌మైన ధైర్యాన్ని చూపింద‌ని, మ‌రో విమానంలో ఢిల్లీకి చేరుకున్న జూహీ త‌ల్లి పేర్కొంది.
